مستحق گھرانوں میں سولر پینلز کی تقسیم

کراچی: سندھ کے وزیر توانائی سید ناصر حسین شاہ نے منگل کو 200,000 مستحق گھرانوں میں سولر پینلز کی تقسیم کی آخری تاریخ کا انکشاف کیا۔ سولر پینل کی تقسیم کے منصوبے پر پیش رفت کا جائزہ لینے کے لیے منعقدہ اجلاس کی صدارت کرتے ہوئے ناصر شاہ نے کہا کہ عالمی بینک کے تعاون سے 200,000 سولر ہوم سسٹمز کی تقسیم 31 جولائی 2025 تک مکمل کر لی جائے گی۔ اجلاس میں سندھ کے وزیر بلدیات سعید غنی نے بھی شرکت کی۔ صوبائی وزراء نے چیئرمین بلاول بھٹو کے ویژن اور وزیراعلیٰ سندھ کی ہدایات پر منصوبے کو تیز کیا جائے تاکہ اس وژن کو جلد از جلد مکمل کیا جاسکے۔ وزراء نے ہدایت کی کہ تمام اضلاع میں ہر ماہ 1600 سولر ہوم سسٹم اور ہر ضلع میں ہر ہفتے 400 سولر پینل تقسیم کئے جائیں۔ ناصر شاہ نے کہا کہ اس منصوبے کو 31 جولائی 2025 تک مکمل کیا جائے۔انہوں نے کہا کہ گودام میں 50 ہزار سولر پینلز کی تقسیم کا کام 30 دن میں مکمل کر کے رپورٹ پیش کی جائے۔ ناصر شاہ نے کہا کہ سولر پینلز کی تقسیم کے حوالے سے تقاریب متعلقہ انتظامیہ کے تعاون سے منعقد کی جائیں گی۔